ব্লেকহোলৰ প্ৰথমখন আলোকচিত্ৰ

সম্প্ৰতি বিজ্ঞানীসকলে দাবী কৰা মতে টেলিস্কোপৰ তীক্ষ্ণ দৃষ্টিত অৱশেষত ধৰা পৰিল সেই ভোকাতুৰ মহাদানব "ব্লেকহোল"ৰ অৱস্থিতি। বিজ্ঞানী মহলত উত্তেজনা তুঙ্গত। এই যে মহাবিশ্বৰ মহাদানবৰ সতে হোৱা প্ৰত্যক্ষ দৰ্শনত তেওঁলোকে আৱদ্ধ কৰি ৰাখিলে আমাৰ হাতীপটি তাৰকাৰাজ্যৰ কেন্দ্ৰত থকা সেই দানবাকৃতিৰ সুপাৰ ম্যাচিভ ব্ল্যাকহোলটোৰ আলোকচিত্ৰ যাৰ নাম- "সেজিটেৰিয়াচ-এ" ! 

আমাৰ মনলৈ অহা প্ৰথম প্ৰশ্নটোৱেই হ'ব - কিদৰে সম্ভৱ হ'ল ব্লেকহোলৰ আলোকচিত্ৰ যাৰ পৰা কেতিয়াও পোহৰে নিস্তাৰ পোৱা নাই ? দৰাচলতে ব্লেকহোলৰ চৌদিশৰ "ঘটনা দিগন্ত" বা event horizonৰ আলোকচিত্ৰখনকেই ব্লেকহোলৰ আলোকচিত্ৰ বুলি কোৱা হৈছে।

যোৱা ৭ এপ্ৰিল ২০১৭ৰ পৰা ১১এপ্ৰিল ২০১৭লৈ সেই বিশেষ পাঁচটা বিনিদ্ৰ নিশাটেই মাচাচুছেট ইন্সটিটিউট অফ টেকনোলজীৰ বিজ্ঞানী সকলে সেই মহাদানবৰ আলোকচিত্ৰ তোলাৰ জটিল প্ৰক্ৰিয়াটো সম্পন্ন কৰিছে।সেই সময়ত, একেলগে পৃথিবীৰ চাৰিখন মহাদেশ এন্টার্কটিকা, উত্তৰ আমেৰিকাৰ এৰিজোনা আৰু মেক্সিকো, দক্ষিণ আমেৰিকাৰ চিলিৰ লগতে স্পেইনৰ সৰ্বমুঠ ৮ খন বেলেগ বেলেগ স্থানৰ পৰা বিশালকায় ইভেন্ট হৰাইযন টেলিস্কোপৰ সহায়ত এই আলোকচিত্ৰখন সংগ্ৰহ কৰা হৈছিল। এই মহাদানবৰ ভৰ আমাৰ সূর্যতকৈ অন্তত ৫০০ কোটি গুণ বেছি আৰু ইয়াৰ দূৰত্ব আমাৰ সৌৰমণ্ডলৰ পৰা প্ৰায় ২৬ হাজাৰ আলোকবর্ষ। অৱশ্যে বিজ্ঞানীসকলে সংগ্ৰহ কৰা সেই আলোকচিত্ৰ সমুহ আমি দেখা পাবলৈ ২০১৮ চনলৈ বাট চাব লাগিব। লিখনিটোৰ লগত সন্নিবিষ্ট কৰা চিত্ৰখন শিল্পীয়ে অঁকা ব্লেকহ'লৰ ছবিহে। 

আগ্ৰহী সকলে অধিক তথ্যৰ বাবে তলৰ লিংকটো খুলি চাব পাৰে :https://www.google.co.in/amp/s/futurism.com/astronomers-might-have-finally-taken-the-first-image-of-a-black-hole/amp/