তিনিটা সূৰ্যৰে এখন সৌৰজগত

তিনিটা সূৰ্য থকা এখন আজব সৌৰজগত। ইয়াৰ নাম HD188753। এই সৌৰজগতখন আমাৰ সূৰ্য্যৰ প্ৰায় ১৫১ আলোকবৰ্ষ আঁতৰৰ "চাইগনাছ" নক্ষত্ৰমণ্ডলত অৱস্থিত।  অতি আচৰিত কথা যে তিনিটা সূৰ্যৰ এই সৌৰজগত খনত মাত্ৰ এটাহে গ্ৰহ আছে। একমাত্ৰ এই গ্ৰহটোৰ নাম HD188753AB বা "টাটুইন"। এই গ্ৰহটো আমাৰ বৃহস্পতি গ্ৰহৰ দৰেই এটা গেছীয় দানব।

টাটুইন নামৰ এই গ্ৰহটো তিনিটা সূৰ্যৰ এই সৌৰজগতখনৰ প্ৰাথমিক বা (সবাতোকৈ উজ্বল) তৰাটোৰ চাৰিওফালে ঘূৰি থাকে। ইয়াৰ লগে লগে সৌৰজগতখনৰ আন দুটা দ্বৈত তৰাও প্ৰাথমিক তৰাটোৰ চৌদিশে ঘূৰি  থাকে। ২০০৫ চনত আৱিষ্কাৰ হোৱা এই তিনি তাৰকাযুক্ত সৌৰজগতখন কেনেকৈ গঢ় লৈ উঠিল, সেয়া বিজ্ঞানৰ বাবে আজিও এক ৰহস্যময় বিষয়।

বৃহস্পতিৰ ভৰতকৈ ১.১৪ গুণ বেছি এই গ্ৰহটোৱে সৌৰজগতখনৰ প্ৰাথমিক তৰাটোক অতি ওচৰৰ কক্ষপথেৰে প্ৰদক্ষিণ কৰি থাকে। প্ৰাথমিক তৰাটোৰ পৰা গ্ৰহটোৰ  দূৰত্ব মাত্ৰ ০.০৪৪৬ জ্যোতিৰ্বিজ্ঞান একক। সূৰ্য আৰু পৃথিৱীৰ মাজৰ দূৰত্বক এক জ্যোতিৰ্বিজ্ঞান একক বুলি ধৰা হয়। গ্ৰহটোৱে মাত্ৰ ৩.৩ পৃথিৱী দিন বা ৮০ ঘণ্টাত প্ৰাথমিক তৰাটোৰ প্ৰদক্ষিণ সম্পূৰ্ণ কৰে।

HD188753 সৌৰজগত খনৰ তিনিটা সূৰ্য হ'ল  যথাক্ৰমে HD188753A, HD188753B আৰু HD188753C। ইয়াৰ প্ৰথমটো তৰা আমাৰ সূৰ্য্যৰ দৰে হালধীয়া বামন। Hd188753B এটা K-টাইপ তৰা আৰু Hd 188 753C এটা ৰঙা বামন।

অধিক তথ্যৰ বাবে: 👇
https://www.scientificlib.com/en/Astronomy/Stars/HD188753.html