তুমি নাৰী

সকলোৱেই জানো আকাশ চুব পাৰে...
তুমি নদী, তুমি কবিতা 
তুমি চৰায়ো হ'ব পাৰা
অথবা সোণালী একাজলি ৰ'দ....
অনামী নদীৰ দুকুল ওপচাই
তুমি বৰষুণ হৈ নামি আহিব পাৰা
অথবা
ক্লান্ত পখীৰ জিৰণিৰ বাবে
এজোপা বটবৃক্ষ...
সকলোৱেই জানো জুইৰ দৰে জ্বলিব পাৰে....
তুমি সুৰ, তুমি সৃষ্টি
তুমি মেঘো হ'ব পাৰা
অথবা অনামী এজাক ধুমুহা....
চোতালত তুলসী ৰুই
তুমি মৃগপহুৰ সাধু ক'ব পাৰা
অথবা
আশাৰ চাকি গছি তুমিয়েই জ্বলাব পাৰা
তুমি নাৰী, তুমি দেৱী !