আফ্ৰিকাৰ ভূতত্ত্বৰ এক বৃহৎ পৰিবৰ্তন পোহৰলৈ আহিছে। বিজ্ঞানীসকলৰ মতে আফ্ৰিকাৰ পূৱ অংশটো মূল ভূখণ্ডৰ পৰা বেলেগ হোৱাৰ পথত। ইয়াৰ কাৰণ হ'ল পূৱ আফ্ৰিকাৰ ভূখণ্ড ধীৰ গতিৰে বেলেগ হোৱাৰ দিশে আগবাঢ়িছে, যাৰ ফলত এখন নতুন মহাসাগৰ সৃষ্টি হোৱাৰ আশঙ্কা কৰা হৈছে।
এই পৃথকীকৰণৰ বাবে যি প্রধান কাৰক বুলি অভিহিত কৰা হৈছে, সেয়া হ'ল ইষ্ট এফ্ৰিকান ৰিফ্ট (East African Rift) নামৰ এক ডাঙৰ ফাট। ইয়াৰ ফলত ইথিঅ'পিয়া, কেনিয়া, আৰু টাঞ্জানিয়া আদি দেশবোৰ দ্বিখণ্ডিত হোৱাৰ আশংকা কৰা হৈছে।
এই প্ৰক্ৰিয়া মহাদেশীয় পৰিবৰ্তন আৰু ভূত্বকীয় আন্দোলনৰ এক অনন্য উদাহৰণ হিচাপে গণ্য হৈছে।এই পৰিবর্তনে আমাৰ পৃথিৱীৰ ইতিহাসত কিমান গভীৰ প্ৰভাৱ পেলাব সেয়া সময়েই ক'ব। তথাপি, ইয়াৰ বিজ্ঞানসন্মত ভিত্তি আৰু সম্ভাৱনীয়তাৰ কথা চিন্তা কৰি, আমাৰ প্ৰাকৃতিক বিশ্বৰ ওপৰত হোৱা এই পৰিবর্তনবোৰৰ বিষয়ে আমি সজাগ হৈ থকাটো অত্যন্ত গুৰুত্বপূর্ণ।
No comments:
Post a Comment