বিখ্যাত লোকৰ অখ্যাত কথা

বিশ্ববিখ্যাত জ্যোতির্বিজ্ঞানী কার্ল ছেগান সৰুৰে পৰাই গ্রহ, নক্ষত্র আদিৰ প্রতি কৌতূহলী আছিল। এদিন শিশু কাৰ্ল ছেগান স্থানীয় এটা লাইব্রেৰীলৈ গ'ল। উদ্দেশ্য আছিল নক্ষত্ৰক বিষয়বস্তু হিচাবে লৈ লিখা কোনো বিজ্ঞান বিষয়ক কিতাপ সংগ্ৰহ কৰা। লাইব্ৰেৰীয়ান জনক উদ্দেশ্যি তেওঁ ক'লে : Excuse me sir!  Do you have any book containing information about the stars?

মিঠা হাঁহি এটা ওঠত সানি  লাইব্রেৰীয়ানজনে এখন কিতাপ কাৰ্ল ছেগানৰ হাতত তুলি দিলে। পৰম আনন্দেৰে কিতাপখন লৈ ছেগান ঘৰ পালেগৈ। আজৰি পৰত কিতাপখন পঢ়িবলৈ লৈ কাৰ্ল ছেগানে দেখিলে যে কিতাপখন দৰাচলতে সেই সময়ৰ হলিউডৰ Film Star সকলৰ এখন জীৱনী গ্রন্থহে !