এটা বিমান বন্দৰ। ব্যস্ততা আৰু ব্যস্ততা। মূহুৰ্তে মূহুৰ্তে বিমানৰ অৱতৰণ আৰু উৰণ। সুৰক্ষাৰ দিশৰ পৰা বিমান বন্দৰ সমূহৰ বিষয়ে আমি প্ৰায় সকলোৱেই অৱগত। মসৃণ ৰাণৱেত হয়তো পৰুৱা এটাও পাবলৈ নেথাকে। বিনা অনুমতিত ইয়ালৈ কাৰোৱেই প্ৰবেশ সম্ভৱ নহয়। তেনে বিমান বন্দৰ সমূহৰ পৰা সম্পূৰ্ণ পৃথক এটি বিমান বন্দৰৰ কথাকেই উল্লেখ কৰিব বিচাৰিছোঁ। দূৰ্গম অঞ্চল সমূহত এনে কিছুমান বিমান বন্দৰ আছে যাৰ কথা ভাবিলেই মনত শিহৰণ সৃষ্টি হ'ব পাৰে। নিউজিলেণ্ডৰ গিচবৰ্ন বিমান বন্দৰটোও তেনে এক বিমান বন্দৰ। এই বিমান বন্দৰটোৰ ৰাণৱেৰ মাজেৰে পাৰ হৈ গৈছে এটি সদা ব্যস্ত ৰেলপথ। নিউজিলেণ্ডৰ Napier-Gisborne ৰেলপথটো গিচবৰ্ন বিমান বন্দৰৰ সোঁমাজেৰে পাৰ হৈ গৈছে।
No comments:
Post a Comment